Módulo de trigonometría plana e esférica, ademais de navegación ortodrómica, para Octave
Conxunto de módulos GUI deseñados para Octave para a resolución de triángulos planos, triángulos esféricos e problemas de navegación ortodrómica.
Áreas de coñecemento
-
Ciencias
-
Enxeñaría e arquitectura
Estado de protección da tecnoloxía
Solicitude de rexistro depositada el 23 de maio 2019, con número RPI: C-185-2019.
Que buscamos?
Proporcionar o seu uso de forma gratuíta aos alumnos do Grado en Náutica e Transporte Marítimo da UDC, sen prexuízo de que outra entidade pública ou privada poida estar interesada en adquirir esta tecnoloxía para a súa utilización.
Escola Técnica Superior de Arquitectura
Descrición
Octave é unha plataforma de software libre, moi similar ao programa comercial Matlab, para resolver problemas matemáticos. Permite a programación de alto nivel de módulos novos para solucionar tarefas específicas.
Neste contexto, decidimos programar módulos GUI para a resolución de todos os casos posibles de triángulos planos e esféricos, alén de problemas de navegación ortodrómica (barcos e avións viaxando sobre a superficie esférica da Terra polo camiño máis curto). Tamén poden aplicarse en toda aquela práctica que requira resolver triángulos, por exemplo, no problema clásico de navegación astronómica que é a resolución do triángulo de posición.
Disponse dun manual de usuario en formato PDF.
Valores engadidos
Estes programas foron inicialmente desenvolvidos para mellorar a formación dos alumnos da materia Matemáticas II do Grao en Náutica e Transporte Marítimo, na ETS de Náutica e Máquinas da UDC. Ao seren executables en Octave, que é un software gratuíto, non supoñen ningún gasto adicional ao noso alumnado que, así, pode comprobar dunha maneira rápida e segura os resultados dos fatigosos cálculos que ten que saber facer a man. Ora ben, poderían ser de utilidade noutros ámbitos tanto académicos como profesionais.
Aplicacións por sector
En cultura e educación, estes módulos poden servir para resolver de forma inmediata e segura todos os casos de triángulos planos (presentes no sector educativo, desde primaria) e esféricos (reservados a áreas específicas de titulacións universitarias ou similares: ensinanzas náuticas, astronomía, xeodesia, topografía, controladores aéreos etc.).
No sector naval, a resolución de problemas de navegación ortodrómica é fundamental. Exemplos típicos destes problemas son os seguintes:
- Coñecidas as coordenadas de orixe e destino, calcular a distancia e o tempo de navegación, así como o rumbo que debe tomarse na saída e aquel con que se ten que chegar;
- Coñecidas as coordenadas de orixe, a distancia que se navegará e o rumbo inicial, calcular as coordenadas a que se chega.
Tamén se resolven outras situacións menos típicas.
Grupo de investigación
-
- Grupo de Modelización e Resolución de Modelos
- (GMRM)
Responsable
- Ángel Daniel Rodríguez Arós
- María Teresa Cao Rial
Contacta con nós
-
-
Oficina de Transferencia de Resultados de Investigación
Edificio de Servizos Centrais de Investigación
Campus de Elviña, s/n
15071 A Coruña
-
Oficina de Transferencia de Resultados de Investigación
Última actualización
2019-07-15
