Permite detectar e medir de forma automática a densidade vascular da fóvea nunha imaxe de tipo OCTA. Unha correcta detección e medición deste parámetro axudará os expertos a detectar ou realizar un seguimento dun gran número de patoloxías, como a retinopatía diabética ou a oclusión da vea retiniana.

Dado que a OCTA é unha modalidade de imaxe moi recente, até o momento non se coñecen técnicas totalmente automáticas para calcular un parámetro como a densidade foveal. Ademais, a estrutura do software permite a integración de novos módulos de forma sinxela, o que facilita que se lle poidan engadir novas funcionalidades, unha gran vantaxe.

O software desenvolveuse usando Python como linguaxe de programación. Ademais, usouse a librería de visión artificial OpenCV.