A aplicación da responsabilidade social no ámbito urbano e arquitectónico-residencial compete ás intervencións tanto na cidade consolidada como en áreas de desenvolvemento. Este concepto leva implícita a incorporación de aspectos socialmente novidosos, como a sustentabilidade-accesibilidade funcional e espacial, a perspectiva de xénero e a biofilia, responsables da calidade das solucións urbanas e arquitectónicas, de maneira complementaria á calidade construtiva e os acabados, aínda que tamén con independencia deles.
En relación con estes aspectos, a achega da UDC concrétase nos seguintes apartados:

a) Elaboración de:

• programas de necesidades e funcionais para desenvolvementos urbanos (espazo público e planeamento) e/ou edificatorios de carácter residencial
• propostas urbanas e arquitectónicas socialmente innovadoras.

b) Asesoramento:

• na fase preliminar, con guías para a información e a diagnose
• nas fases de proxecto, con guías de boas prácticas.

c) Avaliación, a partir de indicadores específicos:

• do planeamento e deseño urbano
• de proxectos arquitectónicos residenciais.

d) Formación de persoal en responsabilidade social urbana e arquitectónica, por medio de obradoiros e seminarios.

Outra información de interese:

www.mccl.es
www.udc.gal/gausmaga

Publicacións:
2016: La casa. Piezas, ensambles y estrategias. Málaga, Recolectores Urbanos.
2015: «Parametrizar y sistematizar, o cómo incorporar la perspectiva de género en el diseño urbano». Relatorio presentado na III Xornada Universitaria Galega en Xénero (5 de xuño de 2015, Pontevedra).
http://hdl.handle.net/2183/17452; https://tv.uvigo.es/video/5b5b4a7f8f42089948eefdbd
2014: «Edificacións sostibles», en VV. AA. Constrúe en Verde. Proxecto Tangram. Pontevedra, Gráficas Anduriña.
http://hdl.handle.net/2183/20762