Programa para avaliar o compromiso motivacional nos deberes escolares.

Ferramenta que avalía o grao de compromiso motivacional dos estudantes á hora de levar a cabo os deberes escolares.

Áreas de coñecemento

  • Ciencias sociais e xurídicas

Estado de protección da tecnoloxía

Rexistrouse como programa de ordenador a través da UDC.

Que buscamos?

Búscanse empresas ou entidades interesadas.

Facultade de Ciencias da Educación

Descrición

O programa consta de 14 reactivos agrupados en tres dimensións: motivación intrínseca cara aos deberes escolares; interese polos deberes escolares e, por último, actitude positiva cara aos deberes escolares, cuxo obxectivo é avaliar o compromiso motivacional do estudantado no referido aos deberes escolares. Pode aplicarse de modo individual ou colectivo desde 5º de educación primaria até 4º de educación secundaria obrigatoria (ESO).

Valores engadidos

É un programa que permite unha valoración rápida e efectiva do grao de compromiso motivacional que teñen os estudantes ante os deberes escolares que prescriben os seus profesores. A súa principal vantaxe é que achega información directa sobre as razóns polas que os estudantes non realizan as tarefas que se lles indican para a casa ou só se comprometen con estas de modo superficial.

Aplicacións por sector

O programa ten unha potencial aplicación no ámbito da educación, nunha problemática que ten xerado numerosos debates e controversias nos diferentes sectores educativos, como é a dos deberes escolares. A información que fornece permite mellorar a motivación cara aos deberes escolares en caso necesario.

Cultura e educación

Grupo de investigación

    • Grupo de Investigación en PsicoloXía Educativa
    • (GIPED)

Responsable

  • Antonio Valle Arias
  • Susana Rodríguez Martínez
  • Isabel Piñeiro Aguín
  • Bibiana Regueiro Fernández
  • Iris Estévez Blanco
  • Tania Vieites Lestón
  • Carolina Rodríguez Llorente

Contacta con nós

Última actualización

2020-01-08