Procedemento de obtención dunha mestura bituminosa en quente. En primeiro lugar, o árido reciclado preenvólvese cunha emulsión bituminosa de rotura lenta e déixase repousar até que se completa a rotura da emulsión. A continuación, o árido reciclado así preenvolto úsase para fabricar unha mestura bituminosa, en que se substitúe parte do árido necesario por árido reciclado preenvolto nunha porcentaxe de até un 30% da fracción grosa.

Os inventores descubriron que envolver previamente o árido reciclado cunha emulsión bituminosa de rotura lenta favorece sorprendentemente a súa posterior adherencia co betume. Ademais reduce as vías de entrada de auga no árido reciclado, ao ser a emulsión bituminosa moi fluída e, por tanto, ter facilidade para acceder a todos os poros do árido reciclado.

Esta invención pode estar especialmente indicada ben en localizacións cun exceso de residuos de construción e demolición, ben naquelas en que o árido natural sexa escaso.

Detalle do árido reciclado preenvolto nunha emulsión bituminosa, cando xa se produciu a rotura desta.